聖安娜Emoji蛋糕 表情勁盞鬼

Emoji表情平日打手機、電腦就用得多，有無諗過Emoji唔單止好用，仲好好食架﹗聖安娜餅屋最近就出咗幾款Emoji蛋糕，除咗攞正牌有晒授權，5款蛋糕的造型仲好全神，真係令人睇見都「心心眼」。至於口味方面，自然唔係「不能說的猴」啦，芒果、雜果到朱古力味都有，款款都有加入朱古力薄脆，口味夠晒有層次。

今次Emoji系列蛋糕仲用上專利設計的環保蛋糕盒，盒身可撕開變做紙碟同餐具，仲足足夠12份，無論幾多朋友仔來食都無有怕，真係夠晒醒目盞鬼。公關姐妹話，個蛋糕盒的設計一早攞咗「香港智營禮品設計大賞2016」銅獎，環保又有意義，成個生日都過得特別「fun fun」啦。